Friday, April 12, 2013

తుమ్మెదలున్నాయేమిరా.! పచ్చ చత్రి,.. కోడి పిల్లో..జానపద గేయాలు

01-తుమ్మెదలున్న యేమిరా ...
అతడు : తుమ్మేదలున్న యేమిరా... దాని కురులు
కుంచెరుగుల పైన - సామంచాలాడెవేమిరా
ఆమె : ఏటికి పోరా శాపల్‌ తేరా - బాయికి పోరా నీళ్లు తేరా
బండకేసి తోమర మగడ - సట్టికేసి వండర మగడా
శాపల్‌ నాకు శారూ నీకూరా
ఒల్లోరె మగడా! బల్లారం మగడా
బంగారం మగడా... అహ
శాపల్‌ నాకు శారూ నీకూరా || తుమ్మేద ||
ఆమె : కూలికి బోరా కుంచెడు తేరా - నాలికి పోరా నల్దుం తేరా
వచ్చాబోతా కట్టెల్‌ తేరా - కట్టెల్‌ నీకు కమ్మల్‌ నాకూ రా
ఒల్లోరె మగడా! బల్లారం మగడా... బంగారం మగడా
కట్టెల్‌ నీకు కమ్మల్‌ నాకూ రా || తుమ్మేద ||
ఆమె : రోలూ తేరా రోకలి తేరా - రోటికాడికి నన్నెత్తకపోరా
కులికి కులికి దంచర మగడ - శాటల కేసి సెరగర మగడ
బియ్యం నాకు... తవుడూ నీకూరా
ఒల్లోరె మగడా! బల్లారం మగడా... బంగారం మగడా
బియ్యం నాకు... తవుడూ నీకూరా || తుమ్మేద ||
ఆమె : రెడ్డీ యేమో దున్నను పాయ - రెడ్డీసాని ఇత్తను పాయె
నాల్గూ కాళ్ల కుందేల్‌ పిల్లా నగుతా నగుతా సంగటి తెచ్చె
సంగటి నాకు - సూపుల్‌ నీకురా || తుమ్మేద ||
ఒల్లోరె మగడా! బల్లారం మగడా... బంగారం మగడా
సంగటి నాకు - సూపుల్‌ నీకురా || తుమ్మేద ||


02-పచ్చ చత్రి సేతబట్టి కిర్రు సెప్పులేసుకుని ...
. పచ్చ చత్రి సేతబట్టి కిర్రు సెప్పులేసుకుని ...
కట్టమింద పోతాఉంటేరో - నా కొడకా మానందిరెడ్డీ
నువు కలకటేరనుకొంటిరో ...
2. మల్లు పంచ కట్టుకోని - నల్లకోటు యేసుకోని
సందు యెంట పోతాఉంటేరో ... నా కొడకా మానందిరెడ్డీ ...
రాజా మానందిరెడ్డీ ... నువు సందమామనుకొంటిరో ...
3. నున్నంగ తల దువ్వి - నూగాయ జడ యేసి 2
పడమటీదిన పోతాఉంటెరో ... నా కొడకా మానందిరెడ్డీ ...
రాజా మానందిరెడ్డీ ... నువు పాలెగాడనుకొంటిరో ...
4. పచ్చి పసుపుకొమ్ము వంటిది నీ భార్య 2
నీ మాటలనుకోని శానా దుక్కమురో
నా కొడకా మానందిరెడ్డీ - అయ్యా మానందిరెడ్డీ ...
నీకిలలో బత్తెము తీరేనా ...
5. వచ్చీ పోయే దావలోనా - దానిమ్మ సెట్టుకింద
ఎండి కుచ్చ నేల బడితెరో ... నా కొడకా మానందిరెడ్డీ ...
ఏటుకే తెగ నరికిరో ...




03-కోడి పిల్లో ... అబ్బో కోడి పిల్ల ...
కోడి పిల్లో ... అబ్బో కోడి పిల్ల ...
ఆ మాటలంటదే - అలాగ నంటిదే
ఆమెయిన అంటదే - ఆ లయ్య పడ్తదే - కోడిపిల్ల
పాట: ఆ మాటలంటదే - అలాగనంటిదే
ఆమెయిన అంటదే - ఆ లయ్య పడ్తదే - కోడిపిల్ల
కోసీ కొయ్యంగనే - కోడికూత మానేసి
కైలాసం నేను పోయినానంటదే || ఆమాట ||
తుంటకట్టె తీసుకోని తరింగిరిం కొడ్తాంటే
భూమి భూలోకమంత తిరిగినానంటదే || ఆమాట ||
దిబ్బమిందిక్కొంచబోయి 2 - బొచ్చుగిచ్చు ఈకుతాంటె 2
సిలంకూరు సిన్నప్ప సెవరం సేసినానంటదే || ఆమాట ||
పొయికాడ కొంచబోయి - తిప్పి తిప్పి కాలుచ్చాంటే 2
సాకిరేవు పోయికాడ సలి మంటలంటదే 2 || ఆమాట ||
మిద్దె ప్కకు కొంచబోయి - రుద్దిరుద్ది కడుగుతాంటె 2
కాశీగంగలోన జలకమాడ్తి నంటదే 2 || ఆమాట ||
మొద్దుమిందికి కొంచబోయి - తుంటల్‌గింటల్‌ సేత్తాంటె 2
కోడి పందెమాటగాడు ఆరె జివిరె నన్నదే 2 || ఆమాట ||
మిర్యాలు గిర్యాలు మసాల నూర్తాంటె 2
పునుగు జవ్వాది నేను పూసుకున్యానంటదే 2 || ఆమాట ||
ఒక్క గంటెడు కూర కూటి పైన పోసుకుంటె 2
మల్లె పరుపు పైన పండుకున్నానంటదే 2 || ఆమాట ||
ఎంకలన్ని కొంచబోయి దిబ్బమీద పోచ్చాంటె 2
అదుగో నాదొక్కటి - వైకుంఠమన్నదే 2 || ఆమాట ||

No comments:

Post a Comment

వదరుఁబోతు కు వందేళ్లు...!

తెలుగు వ్యాసానికి తొలిదశలో ప్రమేయాలు, సంగ్రహం, ఉపన్యాసం తదితర పదాలు సమానార్థాలుగా కొనసాగాయి. రాజమండ్రిలో జిల్లా న్యాయమూర్తిగా ఉద్యోగ బ...