Friday, April 12, 2013

001-జయ మంగళం నిత్య శుభ మంగళం (వరుస పాట)

రాగం : మధ్యమావతి
తాళం : ఖండూపతాళం
పల్లవి: జయ మంగళం నిత్య శుభ మంగళం
చ|| ఆ సంకనొక బిడ్డ ఈ సంకనొక బిడ్డ
కడుపులో నొకబిడ్డ కదలాడగా
ఆరు సోళ్ళు బియ్యమొండి మూడు సోళ్ళు
పప్పొండి సాలక మా వదిన సట్లు నాకె || జయ ||
చ|| అప్పుకొక పల్లెంబు పప్పు కొక పల్లెంబు
కూరనారకోక్క గుండు పల్లెంబు
అప్పులోడిచ్చి సెప్పుతో కొడతాంటె
అప్పుడే మా బావ పప్పు కేడ్చే || జయ ||
చ|| వెలికొండకు పోయి ఏపినారతెచ్చి
సన్నంగ సన్నంగ తలుగు పేడి
గంపెడు గడ్డెయంగ గాట్ల కట్టేయంగ
ఘనమైన పెండ్లి కూతురనీకారతి || జయ ||
చ|| నూగులు నుసి బట్టె గానుగలు గసి బట్టె
పెండ్లి కొడుకు నెత్తికి పేలు బట్టే
పెండ్లి కొడుకు సిన్నాయన పేలు బట్టాబోయి
గంజి గుంతలో బడి గుంజులాడే || జయ ||
చ|| పల్లె పల్లె తిరిగి పట్నాలన్ని తిరిగి
ముల్లోకములు తిరిగి నిన్ను దెచ్చే
మూతి మూడొంకరలు నడ్డి నాల్గొంకరలు
ముచ్చటైన పెండ్లి కూతుర నీకారతీ || జయ ||
చ|| ఆ వీధి నొక కుక్క ఈ వీధి నొకకుక్క
నట్ట నడి వీధిలో నల్లకుక్క
మూడు కుక్కలు కలిసి ముచ్చటా లాడంగ
మూలనున్న పెండ్లి కొడుకు మూతినాకే || జయ ||
చ|| మంగళం మంగళం మా బావ నెతికి
సూరులో ఉండేటి సుంచెలుకకు
మంగళం మంగళం మా వదిన కొప్పుకి
గుంతలో ఉండేటి గొండ్రుకప్పకూ || జయ ||

No comments:

Post a Comment

వదరుఁబోతు కు వందేళ్లు...!

తెలుగు వ్యాసానికి తొలిదశలో ప్రమేయాలు, సంగ్రహం, ఉపన్యాసం తదితర పదాలు సమానార్థాలుగా కొనసాగాయి. రాజమండ్రిలో జిల్లా న్యాయమూర్తిగా ఉద్యోగ బ...